Белаазёрск

У Брэсце заведзена крымінальная справа па факту асквярнення помніка вязням гетта.

Як паведаміў старшыня брэсцкай яўрэйскай грамады Барыс Брук, ак вандалізму – спальванне вянкоў і кветак, ускладзеных да помніка ў цэнтры горада, быў здзейснены каля 22 гадзін 9 мая. “У 21.00 я праходзіў побач. На той час усё было добра. А ў 22.15 мне затэлефанаваў жыхар гораду і паведаміў, что каля помніка гараць кветкі і вянкі, ўскладзеныя сябрамі грамады ў Дзень Катастрофы”.Па словах старшыні, 10 мая ён напісаў заяву ў міліцыю, звярнуўся з лістом аб дапамозе ў гарвыканкам, а таксама паставіў у вядомасць аб здарэнні супрацоўнікаў амбасады Ізраіля ў Беларусі, адміністрацыю Саюзу беларускіх яўрэйскіх аб’яднанняў і грамад.

На яго думку, спадзяванняў на тое, што злачынцы будуць вышуканы, няшмат. “За апошнія паўгады гэта ўжо трэці выпадак вандалізму каля помніка, які ўстаноўлены на месцы масавага растрэлу яўрэйскага насельніцтва ў гады Вялікай Айчынай вайны. Спаленне вянкоў і кветак каля помніка было зафіксавана 26 лістапада 2006 года і 11 лютага 2007 года. Вінаватыя не знойдзены”, -- адзначыў Б.Брук. Сябры яўрэйскай грамады Брэста не выключаюць, што акт вандалізму спланаваны і можа стацца, што гэта не проста дзеянні мясцовых хуліганаў.