Белаазёрск

Спёка прывяла да аварыі.

У сераду, 6 чэрвеня, на дарозе Белаазерск-Бяроза, блізу вёскі Пескі, у чатыры гадзіны дня адбылося сур’езнае ДТЗ. У выніку якога былі разбіты дзьве машыны: Audi 80 і Toyota. Ахвяраў сярод кіроўцаў і пасажыраў няма. Як сведчаць вачавідцы, кіроўца Toyota, верагодна, заснуў за рулём і выехаў на сустрэчную паласу. Аўтамабіль Audi 80, каб перадухіліць сутыкненне, вымушаны быў з’ехаць ў канаву паміж праезжай часткай і чыгуначнымі шляхамі. Toyota таксама апынулася ў кювеце. Яе пасажыраў выратавалі падушкі бяспекі. Вядзецца следства.

Варта адзначыць, што ў такую спёку заўжды павышаецца колькасць аварый. Гарачыня стамляе чалавека, даводзіць да стану напаўсоннага. А тут яшчэ і яркае сонца, блікі – вочы празмерна напружаныя. Кіраваць машынай ў такім стане цяжка. Таму ДАІ просіць быць абачлівымі і скараціць колькасць паездак.