Белаазёрск

Чарнобыльская свечка

Традыцыйную Свечку Памяці бярозаўцы прысвяцілі 21-ай гадавіне трагедыі на Чарнобыльскай АЭС. Каля трыдцаці чалавек сабралася каля будынку Цэнтра пазашкольнай працы ў 21.00, каб запаліць памінальныя свечкі па ахвярам чарнобыльскай аварыі. Ланцужок людзей з агенчыкамі ў руках працягнуўся ад пошты да Цэнтру пазашкольнай працы. Іх было відаць здалёк. Мінакі з цікавасцю глядзелі на мужных духам людзей, якія такім чынам выказалі сваю грамадзянскую пазіцыю. Некаторыя фатаграфавалі ланцужок агенчыкаў на мабільныя тэлефоны, а некалькі праязджаючых машын прывіталі акцыю гукавымі сігналамі. Людзі са свечкамі стаялі моўчкі.

І толькі група людзей ў форме міліцыі і “спецоў” у цывіліным нервова пакурвала цыгарэты, лузгала семкі і над нечым громка рагатала. Цэнтрам гэтай групы былі намеснік начальніка Бярозаўскага РАУС Эйхарт, супрацоўнік ідэалагічнага аддзелу райвыканкам Мшар і начальнік аддзела па справах моладзі Неліповіч.

У 22.00 удзельнікі акцыі патушылі свечкі і ціха разышліся. Было вельмі прыемна назірать шмат маладых твараў у гэтым невялічкім ланцужку неабыякавых людзей. Яны стануць сапраўднымі грамадзянамі сваёй краіны, імя якой Беларусь!