Белаазёрск

Юрась Губарэвіч: “Маладыя маюць больш энэргіі, і за імі будучыня.”

Сёння з 9.00 да 10.00 у студыі Радыё “Свабода” адказваў на пытанні слухачоў Юрась Губарэвіч, старшыня Брэстскай абласной арганізацыі Партыі БНФ. Ен тлумачыў сваё бачанне палітычнай сітуацыі ў краіне, варункі унутры палітычных партый.

Адказ на пытаньне Генадзя зь Віцебску: “Ці не здаецца Вам, што сёньняшнія лідэры дэмакратычных сілаў ужо не спраўляюцца са сваімі абавязкамі? І яны здольныя толькі на нейкія спрэчкі, міжусобныя сваркі. Але, як і нашая ўлада, з усіх сілаў трымаюцца за сваё месца. І ці ня здарыцца канфліктаў, калі маладыя сілы, моладзь заявіць пра свае амбіцыі і захоча заняць іхныя месцы? І яшчэ, як і калі мусіць адбыцца перадача паўнамоцтваў між пакаленьнямі?”

Губарэвіч: “Дзякуй вялікі. Ну, я бы ня ставіў так катэгарычна пытаньне, што дарослае пакаленьне палітычных лідэраў ужо ні на што ня здольнае. Насамрэч у іх вельмі вялікі палітычны досьвед, якога няма ў маладога пакаленьня – гэта трэба ўлічваць. І на маю думку зьмены ўсё ж такі павінны адбывацца, але яны павінны адбывацца эвалюцыйным шляхам...”

 Перадачу з яго ўдзелам можна будзе праслухаць ў вечаровым эфіры Радыё “Свабода” у пятніцу, 20 красавіка.